小車: Day 1 - 涉谷夜遊

2011年9月17日

去食完金太郎都係5點幾者, 比我想像既時間早
所以就決定提早一日去涉谷朝聖喇~

去到新宿車站, 見到有d好似咩夏咁...我都唔知係咩, 不過就一定唔係大野
因為唔係我會知架

俊仔去一早就打算去到日本先買衫
但係去到新宿佢最鐘情既鋪頭, comme ca
竟然一件都買唔到, 令佢失預算既係
人地已經賣緊秋冬裝
而日本呢幾日都仲係好熱...........

終於我地都到左涉谷喇, 2個車站既jr 真係方便到極
點知我地一落到涉谷, 一行入涉谷通就見到巡遊喇........

因為我地去到涉谷都係7點到, 之前食個好好味飯都未餓
所以仲有時間同精神去行下街先
係涉谷夜遊係幾舒服架, 因為周街都係靚人靚衫
而且今日係星期6 好多日本人都出唻行街

先去109 瘋狂一番先, 但由於yen 對得真係太高
而且109 出名d 衫係貴既, 搞到我都買唔落手
我睇中左一件y4900 既衫架, 真係差d買左架喇
不過最後都係因為太貴而放棄................
佢仲有好多一set y2900 - 6800 不等既衫+裙賣
不過唔係好睇得岩, 而且有人不斷同我講"睇住先lor, 聽日再唻"
我就hold住冇買................咁咪後悔lor~ 唉~ 算啦~

之後就去搵109 -men, 佢同109真係差太遠喇
細不得止, 仲太少鋪頭! 可能仲整緊瓜
俊仔上到去o 左咀, 因為日本有一個好特別既文化
就係香港mk = 型! 你知喇, 香港mk 係香港係幾"型"架喇
而且仲要係好貴wor, 搞到俊都買唔落手
2個都空手而回, 你話呀, 我又點會甘心呀~

見到forever 21 , 要入去朝聖一番

入到呢到我當然冇可能唔買野喇~ 點都買到d
香港未有呀ma, 佢有6層咁多
而且仲有半層men 既, 好彩者
俊仔陪我行6層佢真係想鬧爆我
好彩有個men counter 比佢行下睇下, 舒緩下心情者

我發現forever 21 都幾岩我, 佢d 野仲靚過H& M tim~
2個都買到野lu~ yeah~

之後俊仔就帶我去d人好少行既後行買鞋
果間鋪唔係only 買鞋, 不過果到d 鞋又真係又靚又平又特別架
我次次都要買一對架
不過又係因為果句"睇住先lor, 聽日再唻"
搞到咩都冇買!!!!!!!!!!!!!!!!!!!

呢間好多熊貓既就係我最愛既鞋店喇~

行完都打算離開涉谷lu~
係離開之前見到有間雪糕店wor
仲有幾多人排隊wor< 有人排就一定好野喇

試下先

佢應該係意大利雪糕, 因為我地唔識日文,
而且佢英文我地又睇唔明
所以就是旦點左3個~

一個係yogurt, 一個係salt torfee, 一個係oreo~
個salt torfee真係好怪呀, 又咸又甜咁樣

我個為食樣

我地返返新宿, 原本係想食西新宿既鳥良架
點知佢地址同現實不付
搞到我地搞到地址但搵唔到鳥良
真係SAD 到爆呀, 我係特登去食佢個chicken wing 架ma
(點知我第2日唔係特登搵, 反而係原宿見到佢><)

我去旅行心情係非常輕鬆既
算喇, 食唔到............只好等下次喇~ (又多一個藉口去日本喇

)
我地就周圍行下睇下有咩食喇

咁都比我地遇到食店spy

話說係咁既, 日本街頭有好多食店sales 係咁叫架ma
我地睇中其中一間, 之後去睇下佢個menu覺得ok
就去喇, 佢間野明明係要上3樓
佢竟然叫我地行入地下
我地呆鳥, (但唔知點解又跟住做wor, 低能)
之後就發現去左第2間喇
我地冇嬲, 只係不停係到笑, 食店都有spy~ hahaha笑死我

其實果時已經9點喇, 大家都好餓呀又好累............唔理喇