Day 1 - 到著, 金太郎 (已結業)

你估我今次要打幾耐呢??
_________________________________________

2011年9月17日

(因為我未交果White balance 都唔知, 搞到d相好黃...)
落左車, 去到新宿站例牌迷茫一輪, 去過新宿都知道佢車站係大得幾誇張
我地研究左一輪係邊個出口出會比較好
之後就行呀行................好彩我冇行李! 而且有個地圖王
迷一陣, 行一陣就到左酒店喇!
agent話佢係一間新酒店, 好睇得出, 因為幾新~
叫Villa fontaine hotel

我地入到酒店, 一上到房大叫~好大呀~
我地竟然可以開到2個gip, 同一時間wor........幾咁開心既一件事



佢個toilet 係一個好令人欣賞既地方
雖然洗手同沖涼係分開咁, 不過佢門係玻璃
所以couple就會方便到暈...........
仲有一個好既地方, 就係一個好日式既沖涼房
先沖身既地方, 之後就係泡湯........舒服到暈呀!
我係日本真係未住過咁大個沖涼房既酒店

佢仲有一個好靚好大既sony plasma 電視!
雖然電視就唔係成日睇架喇
不過佢令成間房upgrade左唔少呀真係
 

令俊俊最開心既一件事就係....................
每間房都有獨立既冷氣! 係分體式果d 冷氣, 唔係中央
佢見到呢個冷氣真係開心到爆~ 因為事關日本人真係唔知點解咁怕凍
佢地一入夜就會交到冷氣(中央) 好熱.......我地頂唔順呀
所以我地呢幾日訓得好好呀

佢位置就唔算係太好, 不過就係因為咁, 佢夜晚好靜
我地上次住新宿都係有d嘈
佢係歌舞技丁區, 夜晚係會比較雜, 2個女仔都唔係咁好~
而且離JR都幾遠, 但係行熟左都OK~
不過俊仔話下次唻日本都會住呢間, 佢好滿意咁話~

我地欣賞完我地既酒店, 就開始我地既日本之旅喇
呢個係食食食次6週年之旅
第一站當然係食喇~ haha

先去係歌舞技丁區既金太郎丼
金太郎丼 -- 歌舞伎町靖国通 (歌舞伎町さくら通り[藍色牌] 行入去到第三個路口)

其實都搵左一陣, 好彩我地冇放棄者~

杜如風介紹既應該都唔會錯架喇~
自動販賣機~

3色丼~ Y850 ~ 好甜既魚子呀~

主角出唻喇, 海膽丼~ Y1500
你要知道, 用HK$ 150 食呢個甜到, 新鮮到飛起既海膽飯係幾咁幾咁抵

你睇佢既黃金色係幾咁靚...................香港HK$ 150 真係食唔到呢個質數呢
我真係清哂架, 係清哂~ 對我唻講係一個奇蹟唻架~

我真係好懷念你呀............................

食完"初戀"已經5點半lu~ 出發to 涉谷朝聖.............