金必多湯 (忌廉湯) 食譜

金必多湯

呢個其實係係MAY姐有請果到學既
因為自己好鐘意飲cream soup, 再加上原來好簡單架ja
咁咪試下lor~

我都係第一次寫食譜, 整野食又唔係好叻
for 自己第時想再整可以用架者, 分享分享

材料有:

牛奶
雞湯
鮮忌廉
牛油
麵粉

(自選, 可能落其他既)
紅蘿蔔
洋蔥
冰鮮栗米粒
(注: 栗米粒如果買can 果d, 一定一定要洗好乾哂水先, 要冇水的)
雞柳
煙肉粒

基本上既材料都可以係普通超市買到, 不過鮮忌廉可能就難少少
可以去整蛋糕既地方/ 商場超市(eg market place) 都一定有架喇

份量就唔好問我喇, 以下咁多既份量應該有最少5-7 碗架喇~

首先做左個湯底先
要預備既係牛奶, 雞湯, 鮮忌廉, 牛油, 麵粉

先用慢火整溶半條牛油在煲入面~
 等牛油完全溶解之後, 加入麵粉 (份量大約是1/4 包)

記住一邊攪一邊落, 直至變成了糊

將火可以開大少少, 慢慢, 要慢慢少少的放入清雞湯
記住要一邊攪一邊落, 仲要慢, 因為以免佢麵糊成粒粒形態

直至雞湯跟麵糊開始溶合一起, 成了cream 狀
(這時已放了一盒的雞湯)

一直攪, 一直攪, 直至粒粒完全消失
此時可以倒入牛奶, 2整盒 

再滾起, 預備鮮忌廉!
我揀左呢隻, 因為佢話thickeded, 咁會再滑一d
我只係落左一盒, 不過我覺得可以再落多一盒, 可以再creamy d

再滾起, 將最後一盒清雞湯放入

滾起, 待用!

一邊煲既時候可以一邊準備材料
呢d 係自選架者, 因為你可以落海鮮, 牛肉, 雞肉
我因為會用唻配牛肉, 所以就清一d
揀左
紅蘿蔔, (可以令個湯有d 色冇咁白)
洋蔥 (好出味)
冰鮮栗米粒 (個人喜好XD)
雞柳 (出味)
煙肉粒 (出味)

先洗乾淨栗米, 我貪方便買冰鮮既,
買can的都可以, 不過一定唔可以有湯/水的! 唔係會影響個味道

要半個洋蔥

切洋蔥不哭的方法就係水中切, 真係work 既~

切紅蘿蔔

將材料都切粒粒, 乾水待用

記住pan 上一定唔可以落水, 因為湯一入水就唔同味!
要乾水呀..............

慢火煎溶牛油

先放入雞柳跟煙肉炒香...

再加入粒粒! 雞肉要半成熟就ok
這樣落湯就會出味!

將全部材料放入湯底

再煲大約10分鐘就完成喇~~~

就成為美味既金必多湯喇~ yoho