水舞間姊妹淘

Opps, 終於都唻到全個trip 既重點..............(打左成個月先到重點! haha)
呢篇我真係想快d 打, 因為想講水舞間既故事內容比大家有d心理準備入去睇,
唔洗好似我咁一舊雲咁

2011年11月13日

我地係官也街搭專巴去到新濠天地門口, 因為我地book左5點鐘果場
去到4點15左右, 行一陣就入去喇! 好緊張呀, 第一次睇ja, haha





入去坐定定, 吹下水! 影下相!

個場好大呀, 我見到個勁大水池真係異常興奮!!!






5點正, 準時開show! yeah~

(注: 以下故事是由我和朋友討論出唻既, 因為冇對白, 我地都係靠估)

一開始, 一個船夫由香港"?" 慢慢開, 入到一個似仙境既地方
船夫跌下船
船由台下升上, 一批村民由4方8面爬上, 再跳水~
(好精彩的說, 我係o左咀, 因為一個岩岩算完上唻既台, 下一秒就可以變返10米深既跳水池! amazing~)

村民離去, 船夫這時出現在一個荒島上
荒島上有班馬一隻, 更見到有個男人(call him 男主角) 倒在海邊
佢把男主角救起之後, 一個鐡籠從天而降, 女主角被困在內

男主角希望把她救出, 最後唔成功

男主角誤入一村莊, 村長及村民不知他是敵是友, 因此打起上唻
(真係好神奇架, 一秒之間就可以就水池變成一個完全乾既平地)

呢個時候, 女主角再一次從天而降, 今次係村民既幫助下成功救出

原來女主角係村莊既女神!

大地之母就將佢地2個結合~

女主角係水之女神, 玩起水上唻~ haha
2個人開開心心咁拖手離去



佢地走左之後, 女皇降臨(我叫佢gaga 女皇, 因為好似)
佢知道比女主角走左好嬲, 一定要捉返佢 (雖然我唔知捉佢做咩?可能係要脅到佢女皇既地位)

男女主角再之出場, 佢地相約涼亭, 亭邊有一群天鵝為佢地起舞!

可惜好境不常, gaga手下呢個時候出現, 捉住女主角, 仲打暈左男主角
男女主角就係橋邊再一次分別....


男主角醒返之後就發現女主角再一次比人困左入鐡籠.....

男天鵝們為左保護女神, 同gaga手下打起上唻....

gaga 女皇出現, 打死哂d 男天鵝, 仲將男主角捉住.....

為既就係要令佢親眼睇住佢心愛既人比浸死~

男主角對住個海只可以呆望...........忽然似諗到咩咁, 轉身離去

gaga 同手下去到一個地方, 佢手持長劍(應該係神劍)
佢一揮, 水下既水就好似失左控咁, 向佢不停咁射出
其中出現左女神個樣, 應該係水之女神係到玩弄緊佢
(呢一幕真係好睇, 因為係一個超大型既音樂)



地點變成gaga 女皇城堡,
當gaga女皇同手下們係到慶祝緊女神死左既時候
一名電單車男駛入,
(呢一個電單車表演係我睇過最好睇既, 我真係睇到好驚架~ 不過又好睇
 真係台上10分鐘, 台下10年功)
(我有拍vedio 架, 有時間share)



男主角成功報仇, 離去

場地一轉, 男主角去到一個地方(唔知咩地方), 女主角慢慢行出(唔知係因為未死呀, 定係再返生?)

2個跳返part 舞先~

此時, gaga 女皇連同手下趕到, 為左男主角大鬧城堡之事
但估唔到會見到女主角!
當手下正想再一次捉女主角之際, 船夫帶同村民一齊趕到
2幫人打起上唻.......

打打下, 忽然gaga手下全部變節幫女神, (呢個真係點諗都唔明??)
就係咁將gaga 捉住之後困入鐡籠!
本身全部人都擁帶女神做女皇, 不過女神就覺得船夫比較合適

男女主角又再跳返part 舞~

一齊潛左入水~ 就完了!

最後仲有幾個跳水表演!!!!!!!!!!!



我覺得用香港睇演唱會價錢睇呢個show都係值架lor
一係睇佢呢個咁amazing 既台喇,
二睇佢地d hard work 喇, 我見佢地都好辛苦架~

worth to see~ 有機會都想睇多次~