我多數係澳門玩2日一夜都會返珠海訓
一唻平, 2唻近!
我住珠海, 最平可以去到$200一間雙人房 (當然就係好cheap果d)
如果想好少少, $400-550 都有一間架喇~
我地3個, 真係咁岩比我搵到一千零一間有3人房既酒店
都係$550 + tax, 3個女仔都係每人$200 者!
咁平就為cover 返個貴既水舞間喇~
上回講到我地行完大馬路, 就搭3號去拱北關口喇
我地過關果時大約7點幾8點, 都唔係好多人
帶佢地行左珠海大旺中,
大家都餓喇! 今日我地其實係冇正經坐低食一餐架! 去搵食!
行左幾個圈之後, 我地決定食非常地道的上海野
(好易搵, 一出關落地層, 見到"真功夫"轉右一直走)
我地見到當地人都排既就一定係好野喇~
見到都真係平到有d唔信, 不過呢到係大陸, 幾平都有!!!!!!!!
y9人仔既麵好食, 個個都叫既~ 呢個唔係特別平, 不過特別好食
超抵食既小黃瓜同海帶, 唔止平, 仲係超好食!
小黃瓜超入味, 海帶唔硬仲有啖口, 又唔會食到滿口油! 真係不得了~!
最good 既小籠包唻喇! y11 就有8隻, 仲要係超好食!
係正宗既小籠包, 個skin 真係好薄好薄好薄, 但又唔會一夾就散
你一食入口, 入面d湯就會流入你個口, 真係好刺激既口感
因為真係好熱, 但係你又忍唔住熱食!
令我地又要encore多一籠~
呢個水餃就普通左少少! 不過都ok~
食完其實有d夜lu, 10點幾~ 人地都關門lu~
我地就去搵酒店喇, 呢間酒店好難搵呀.........><
不過我地唻到都覺得係ok既~ $200 真係抵喇~ haha
我地睇左一部唔知係戲定係電視劇既大陸戲, 但做左勁耐haha
仲又睇到唔肯訓tim~ haha, 好彩聽日morning call 係10點半
1點, 頂唔順, 早抖
沒有留言:
張貼留言