經過噚日交錯ALARM 比人話之後, 我乖乖的交返好! 今日要晨早7:30am 起身
但我地2個係懶虫, 而且噚晚1點2點先訓.............最後8點半先起到身
早起係因為我地要去築地食早飯! 並唔係想去壽司大果d..........
新宿最好既地方就, 唔洗轉車去好多地方都超方便~
大約30分鐘車就到左築地市場喇
本身我話果個出口岩架, 不過本住路痴信唔過既信念
我地行左一個遠d 既出口.............好彩俊仔都識路!!!!!! =_=!
我地入到魚市場就開始覺得有d 唔對路
點解咁靜既? 唔理, 都要行架喇............
行到入應該係壽司店s 既地方......冇開? 冇開? 冇開?
點解呀? 今日係星期一, 我明明check過築地市場係星期日先關門架? 點解呀? (到左今日都唔知架)
好失望呀! 好彩我唔係第一次唻, 知道築地開左係點樣既
唉~ 不過算喇, 周圍行下, 睇下仲有冇壽司店開喇~
行下行下, 又見到我地上年食過呢間有開wor
亦都係係築地市場呢一邊唯一一間有開既
上次食過都ok, 照食!
不過我地今次冇食佢d set, 雖然佢真係好勁! 竟然年幾都冇加過價~
日本真係好~ 香港都唔知加多左幾多次喇 >_<
仲試左佢既蝦4食~ 再有一個tuna 3食~ 我再叫多2客海膽, 不過唔知係咪今日冇開
好唔新鮮, 好難食
仲要y300 一件(呀!!!!!!!!!!!!! 不過算喇)
食唔到壽司都唔係我地最擔心既
我地最擔心係松露冇開! 係真既, 因為我地唻築地係因為松露玉子架~
我地一路行一路擔心緊, 點知轉個灣就見到佢開左喇~ 俊仔幾開心呀~
佢日望夜望既玉子~
不過佢又真係幾鬆化可口既~
之後見到有d 店都有開~
築地市集果邊仲成街都係魚生飯tim~ 但因為我真係唔餓, 而且唔多吸引
我地有得睇, 冇得食!
係築地玩左一個上午, 係時候走lu
本身我地之後係要去上野買手信架
不過噚晚竟然比我地左係東新宿果邊有間勁大勁大勁大既激安之堂
入面都有好多手信買, 真係行左我地2個鐘, 唔係講笑~ haha
而且佢既價值又唔會比上野貴, 所以我地決定唔去上野lu~
直接去秋葉原喇~
沒有留言:
張貼留言