魚排滑水日

2010-10-10

今日好HAPPY~ 因為男朋友上次去完玩wakeboard,
依家玩左上癢喇, ok~ 雖然只係第2次
我就唔係好敢玩, 好驚死又驚痛!

我地一行6日約左係馬安山廣場等,
之後買少少野飲就搭的士入去喇!
因為我未去過, 但其實原來咁鬼遠! 去到個冇野既碼頭, 要成$60 車錢
我地搭的士去到[榕樹澳碼頭], 係入去既途中勁行山路!
大家都擔心緊唔知點返出唻..........

打電話比魚排, 叫佢唻接我地~ 雖然今日天氣唔係幾好! 陰天, 仲有少少雨
其實一去到既時候已經覺得好靚!
真係背山面海果D wor.........我諗如果係藍天白雲會靚到我暈左!

不過天公已經好好架喇, 因為我地出海既時候冇雨呀

我地坐上快艇上去魚排喇!

果日好鬼死大風呀! 本來我地應該係個浮台上面勁穩先係!
點知果日好大風, 搞到個浮台少少摇, 好似坐係架停左既船上面咁呀~
真係有少少暈暈地.........

因為唔知天氣幾時會變差, 所以都係快快手出發喇~
去邊? 佢地d男仔就係出發去----滑水喇~
我就當canema woman喇~ (咩呀? 收返佢地$架.....haha)

男友做第一個, 因為佢玩過一次, 今次第2次!
估唔到一唻就上手喇wor 好good wor! 型!

另外2個男仔都係第一玩, 不過呢都唔係差好多者,
史都起起身架, 叻叻! 賢仔加油, 下次到你架喇~

玩一個鐘, 好快就過架喇~ 因為搭船出海中心都計時間架!
$550一個鐘滑水~ 如果幾個人share我都覺得ok既~

(今日天氣真係唔係咁好, 因為陰天, 影d相都唔係咁靚~
不過就係因為唔曬, 出海好鬼死舒服)

出完海就上返魚排bbq喇, 你只要比$130就包野食+飲
(不過得好少野食...冇麵包果d, 你係想買都冇得買! sugguest買少少野食入去)
野飲反而唔洗wor, 因為佢一人包2支野飲, 仲有得買tim~ 唔洗驚喇!

我最like佢既地方係 有熱水沖涼!我話你知真係好重要
當你泡完d好涼既海水, 之後有個熱水涼沖...........sofu
(PS, 仲要唔洗$架, 幾咁C9 呢~ )

呢塊Wakeboard 真係好鬼重, 如果著左佢落海! 男友話有鯊魚都走唔到~

＊見唔見到右下角有中國國術-- 4方城呢? 對, 唔洗$架~

呢個地方真係一個好地方! 環境優美, 空氣清新,
一個價$, 包你生養死葬! 一定唔會餓死, 但唔會飽死
但餓又唔會太覺...點解呢? 因為太多野玩喇, 你都忘記左肚餓喇!!

good good! 下次要唻~