台北之旅 day1 美麗華 士林夜市

由淡水搭車去劍潭站之後再轉接駁巴士去美麗華廣場
好鬼遠架原來, 好似九龍灣去mega box 咁lor~ 仲要係對面wor....
佢冇車, 真係冇人會去lor~
為既只係呢個好大好大既摩天輪...點解?
因為我一直都覺得摩天輪係一件好幸福既事
如果同鐘意既人一齊坐......真係lum到暈呀

佢真係好大好大.......雖然佢都有玻璃車, 不過要等40分鐘咁耐
都係普通算喇! 係要買飛架, 而且唔係平tim呀
要成nt200一個人架!係咪貴呀?
不過都少值既! 同自己愛既人一齊上到the top of the world?...kaka

上到最頂既時候, 果一下真係幾興奮
本身我都唔知自己上到頂架,
係小俊話"點解我地會見到隔離果架車既?"
haha, 原來我地已經上到頂lor~

講真, 其實唔係真係好靚架ja! 
夜境香港太靚..........(只限5光十色) 唔計自然的星光!
我地坐左大約15分鐘到喇......睇就冇咩睇架喇
係我地自己係到玩d無聊野同狂影相lor...kaka

坐完就走lu, (係呀! 真係為左個wheel唻架, 都冇野行既)
坐返接駁巴士去劍潭, 隔離就係士林喇!
開始有少少雨喇! 天氣開始唔係幾好! 台風接近中....

士林好有女人街feel, 我唔係第一次唻!
次次都係果d野架喇, 不過因為落雨, 好多街車仔都冇開呀
搞到有好多野都食唔到呀><

行呀行呀食呀食呀

去台灣當然唔可以唔買拖鞋, haha,
點解係拖鞋? 因為台灣出名拖鞋舒服好著lor~
我買左2對...........返唻就後悔唔買多對喇!

我地搵左間店坐食野! 有o仔餅

羊肉炒飯<-- 佢唔係平時既炒飯味, 幾好食.....唔知係咩呢

仲去食左個冰!
個人認為自從香港都有棉花冰之後, 已經覺得台灣呢個都冇咩!

買比自己既禮物..............好好好鐘意, d人用手整架!
都係nt100 ja~ 人工都要喇!  

我地玩到12...........捷運尾班車先走呀!
好累呀! 好彩趕到最後呢班.....如果唔係唔知點返飯店喇

明天加油