去到, (係灣仔/銅鑼灣消防局旁) 黑黑地, 真係行過都唔覺
好好彩, 我地等左一陣就有位喇
聽說(小俊說
) 呢到平時係有排等既....
其實鋪頭細細, 我諗入面得20個位到........所以咁, 唔係咁起眼
但睇真D佢個menu, 原來佢係有幾間分店架wor...
尖沙咀, 旺角, 銅鑼灣
小俊上次食左個鐡板藍鯨舌拿魚, 佢話好食! 咁我當然要試下喇!
佢呢到係主食刺身架! 佢都有熱食既, 不過most of them 都係刺身飯!
呢個就係小俊既池魚定食 (waiter話今日新鮮到既)
又真係幾好食wor, 佢大約有10-12 片刺身, 但成個set都係 HK$105
個感覺好平呀........點解? 平時係板"嘟"食一碟池魚都要15喇!得2件
咁7.5 X 12 = $90喇, 成個Set仲咁多野食! 又玉子咁! 佢d刺身仲好靚好新鮮.....
我的鐡板藍鯨舌拿魚,
真係好好食呀, 佢冇厄我wor, 個汁好正,
夾飯好, 夾菜都好! 酸酸地, 好開胃,
而且刺身本身唔會太膩, 食哂都唔會太有肉食果種飽滿感
我另外加了3件炸雞件 (hk$28)
呢個麻麻地, 因為好明顯係用左雪雞, 冇咩雞味
再叫了一個清酒蛤(hk$48), 呢個菜我本身係每一間日本餐廳必叫
佢呢到呢個真係好正! 我一野食落去, 已經覺得好正
因為佢有好濃既清酒味, 唔同出面果d加水......
我已經問定旺角果間係邊喇
(係女人街入面), 下次再去過~
沒有留言:
張貼留言