35度下的海洋公園

2011年7月9日

一早約好左papa mama, 去海洋公園
點解會想去呢? 唔知架, 想去咪去lor
反正佢9月加左價之後應該都唔會去
傻架, 加左280...........依家250 都覺得有少少貴
因為佢真係細左好多, 我都明白佢好多地方係到裝潢緊
而我地都叫好好彩, 因為佢開左新野就去喇

上年去海洋公園係因為halloween, 所以冇咩玩佢d野
因為掛住玩+排鬼屋........
今次入去就發現佢真係好似少左好多野咁.....

我地未入去, 就見佢個門口又同上年唔同左
不過門口有一隻水lai welcome 我地喇~
但因為太熱喇! 佢都係水入面舒服d

我地都叫醒架喇.....點解?
因為我知道佢有夜場開到10pm 點
因此我地唔洗咁早入去, 又可以玩夜d, 又可以冇咁曬(呢個main pt 呢)

我地約左2點, 等齊人之後就入去喇~
佢地一早就plan好左,
第一站係熊貓館, 之後海洋列車, 再海洋列車, 再海洋列車.....
不過當然佢地係唔會得逞喇!

我地第一站見到個藍色蛋蛋就飛奔入去
因為知道有冷氣ma..hohoho
再行入去就知原來係新既海洋館

好多, 好多大陸人, 我真係唔係話咩原因要咁憎大陸人
係因為佢地d 行為真係好令人憎
人地都話明唔可以用閃光燈, 唔理
d 大人細路睇唔到野咩? 用手推開你真係火都唻咪!

我又唔習慣以暴逸暴, 只係bea + 鬧佢lor, 佢就當你唱歌激死人!

唔好講大陸人喇, 講返happy fish 喇~
我噚住係新海洋館果d 就真係happy fish 喇
點解, 佢地真係同人零距離喇! 因為佢都睇唔到人既
遠都咩咁....................佢concept 本身係幾好
令人有人大魚缸入面既感覺, 頭向上先可以睇到大魚......
但係真係好累條頸!!!!!!!!!!!!!! 咁者係要迫你入去海洋餐廳食飯先有得睇喇?
搞到我都冇咩心機影相!

去完一個圈, 快到我唔信喇~ 真係冇野睇~

之後就去左熊貓館! 睇安安佳佳, 今天安安好精神呀~又爬樹又周圍走~

之後再去亞洲動物天地探盈盈樂樂~ 仲有小熊貓!

我要攬哂返屋企!!!!!!!!!!!!!!!!!!!!!!!!!

我地無聊到連兒童樂園都唔放過~
佢地見到d 遊戲攤位, 有人就諗到d 鬼主意
輸左果個, 要"咩"住隻公仔一日.....係35度高溫之下wor, 好慘!
佢地玩射籃球遊戲, 其實都有少少貴架! $50 18個波, 保證有一個公仔先~

你見邊個輸左喇? 好彩個彩虹好細個者! 唔係就慘喇~~~~~~~

玩完就係時候出發, 向海洋列車出發
的確, 海洋公園好既地方係佢新既野都有進步
個人真係好鐘意海洋列車, 唔係話攬車唔好呀
不過海洋列車的確係又快又舒服
最緊要係, 佢好多車, 多數唔洗排長龍
所以我都好耐冇搭攬車喇~

出發前影返張全家福綠壽先

一上到山, 先唻個跪拜! 左手面就係新既熱帶雨林
向前行少少, 就係360 反轉再反轉

有3個義士就話要以身試法, 要唻一個巴黎倒轉再倒轉
我真係見到都頭暈尖叫, 唔係講笑, 我同個frd 係下面睇
見到d 人係上面反轉轉返落唻果時, 都忍唔住大叫! haha
你叫我玩就真係不必喇! 不過玩同死, 我都係會揀玩! 好彩依家未洗揀住

睇佢地玩完d 咁激既野之後, 我地就打算去激流睇下
點知好多人排wor, 最快都要等40 mins,
我地諗住仲早, 就夜晚等d 自由痕走哂先玩喇~

果時差好多5點lu, 有人要求睇海洋劇場
講真, 我都好多年冇睇喇~ 雖然我地5點入到去都已經爆多人
好彩都搵到8個連位者!

睇完就上返車玩機動遊戲 (我係陪玩)
我就玩左一個唯一冇事既飛天秋千! 爽~

出面又見遊戲攤位, 佢地又話要唻過
今次佢地係睇中果條好長既蛇................................
因為可以當頸巾用
高下立見!

玩完一輪就上返去玩激流...............我地本來滿心期待
因為我地見到有d人玩完出唻真係濕到爆!
我地呢d叻有帶衫, 有d人冇帶 我地都捉左佢去玩喇當然
一入夜真係唔多人, 排左一陣就有得玩喇!
激流係自轉再加水流咁解, 太易暈既真係唔好玩
一上船就勁轉, 不過佢又冇咩上落位, 就算有都唔算太高
冇咩離心力~! 原來佢最好玩既地方唔係在於激流, 而係濕身
激流上面有個射水區, 專比人射水同落水彈
水彈既意思係佢有一個水筒, 佢會自動入水的
你好眼介既話就可以一擊即中! 果個人就會由頭濕到落腳
我地玩完上唻冇咩點濕, 只係有少少中左水槍
因為我地唔甘心比人射, 上左去打算射人
我papa 好好眼介, 一筒水就中左一個女仔! 佢真係慘....
8個人一致認同, 全日最好玩既就係呢一part, 我都話見人痛苦真係好快樂!
仲要幾個人係前面睇住架船幾時到, 有人就放水咁lor~ haha 真係好爆笑架~

玩完一輪大家都笑爆了咀! 打算走了!

係打算走既時候聽到佢話有雙龍show睇
唔趕時間, 睇咪先走lor~

OK幾好睇! 最鐘意佢有火同煙火既效果
幾次都嚇到我!

去返香港仔食泰國野,
開心的一天又完成了!